Svo hljómaði setningin á bakinu á mér í starfsmannapartýinu sl. föstudag. Það var s.s. fyrst starfsdagur, og þar sem við förum eftir lífsspeki fiskins, að ég held að sé rétt, sem er mjög sniðugt system, að þá var fiskiþema. Og ég á engin sérstök fiskiföt, svo Lena sætabrauð var svo góð að mála svona fínan fisk á bol handa mér, ýkt flott, ekkert smá gott að eiga svona vinkonu sem reddar málunum fyrir mig hahaha, og skutlaði meira segja bolnum til mín. Yndið! Svo já eftir skemmtilegan starfsdag, nammiát og leiki og verkefni var starfsmannapartýið. Og það var rosalega gaman, ótrúlega góður fílingur. Ég var reyndar svo þreytt eftir daginn og vinnu um morgun að snöggt varð ég ölvuð. Ætlaði síðan með tveimur samstarfsstelpum í bæinn, en á leiðinni í bílnum áttaði ég mig á því að ég gæti ekki farið, úff. Svo samstarfsdrengurinn sem var að skutla okkur skutlaði mér heim, en áður stoppuðum við á bensínstöð þar sem ég kastaði og kastaði upp. Sem var vibbi, og síðan var ég veik alla fríhelgina, og ég verð svo sjaldan veik að það var glatað, en er all better now.

Annars líður mér bara fínt, sem er ekkert annað en fínt. Mamma fór á Vík í morgun, afmælisdaginn sinn, og vona ég að hún standi sig bara vel, það er eitthvað öðruvísi, eitthvað breytt, það er bara tilfinningin, og vonandi stenst sú tilfinning eitthvað, að eitthvað jákvætt komi út út þessu, jamm og já. Síðan fór ég til geðlæknisins míns í morgun, ekki búnað fara síðan í fyrra, bara meira svona catch up, og ég með samviskubit að hafa ekki farið lengi, þegar ég hefði þurft á því að halda. Og ég bara talaði og talaði og malaði, og það var frábært. Svo þegar ég var að fara, sagði hann: Ég er svo ánægður með þig og allt sem þú varst að segja er bara frábært og jákvætt, þú ert svo sterk, algjör hetja. Og auðvitað gladdi það mig svo að mér hefur liðið svo vel í dag. Lára litla cookiemonster sótti mig, því mig langaði svo í Kringluna. Og þar verslaði ég hehe en ekki hvað, ótrúlegt hvað ég hef verslað mér margar flíkur þetta árið, sem aldrei fyrr, það er frekar svona mikið nýtt fyrir mér en fínt, það má alveg! Keypti mér æðislega köflótta kápu, svarta plain hettupeysu, og grææænar buxur. jess það var snilld að finna slíkar, sem eru líka svona fínar. Allavega það var mjög gaman að Kringlast, hitti fólk sem var gaman að sjá og fannst gaman að sjá mig. Eftir Kringlið fórum við Lára aðeins heim til hennar, en síðan sótti Magga mig, og brunuðum við uppá Skaga til Ásdísar okkar og Daníels krúsa. Slógumst bara lítið um hann við Magga hehe. Hann er svooo mikið krútt, algjör feitabolla, og með þessi þvílíkt krúttlegu hljóð, mjög spes. En börn eru með svo spes hljóð oft, svona einsog Sagan mín sem er orðin svo mikill krakki, heyri ný hljóð frá krúsunni alltaf þegar ég hitti hana, hún er orðin svo mikill prakkari. En það var auðvitað æði hjá Dísinni, sem bauð þó ekki uppá köku, vissum ekki hvurnin stóð á því, en neinei, það var allt í góðu. Fórum á Galito og átum yfir okkur, og samkjöftuðum ofaní hvor aðra, og Magga svo "fyndin" að segja eitthvað svona svo þjónustustúlkan heyrði til að við Ásdís myndum fara svo mikið hjá okkur úff en svo var það nú bara fyndið! En þetta var alveg æðislega gaman! Ofsalega kát eftir förina, nema við Magga vorum nú frekar skelkaðar á leiðinni heim í þessu vetrarmyrkri og slæmu veðri. En hér er ég nú samt enn ;)